Dünyaşöhrətli futbolçu Kriştianu Ronaldo ilə Corcina Rodrigezin bu həftəsonu Portuqaliyada evlənəcəyi ilə bağlı iddialar gündəmə gəlib.


Xeberpost Qafqazinfo-ya istinadən xəbər verir ki, səkkiz ildir, birlikdə olan cütlüyün Portuqaliyada nikah masasına əyləşəcəyi bildirilib.

Məlumata görə, toy mərasimi Sintra şəhərində yerləşən Quinta da Regaleira malikanəsində keçirilə bilər.

Digər tərəfdən, həmin məkan həftəsonu ziyarətçilər üçün açıq görünür. Bu isə həmin iddiaları təkzib edir. Qeyd edək ki, Kriştianu Ronaldo daha əvvəl Corcina Rodrigez ilə evlənmək niyyətində olduğunu açıqlamışdı.

Portuqaliyalı futbolçu müsahibələrinin birində nişanlısı haqqında bu sözləri demişdi:

“Onunla evlənəcəyəm, çünki doğru zamanın gəldiyinə inanıram. Təkcə uşaqlarımın anası olduğu üçün deyil, həyatda ən çox sevdiyim insan olduğu üçün”
Qeyd edək ki, Corcina təkcə Ronaldonun böyük oğlunu deyil, həm də 2017-ci ildə surroqat analıq yolu ilə dünyaya gələn iki uşağı qəbul etməli oldu. Elə həmin il onların bir qızı dünyaya gəldi.