Şəmkir rayonda fəaliyyət göstərən "Murovdağ" şadlıq sarayı Maliyyə Nazirliyinin keçmiş aparat rəhbərinin oğlunun adına keçib. Həmin şadlıq sarayının bir hissəsi isə əvvəlki sahibinin qardaşına məxsus olduğundan obyektin restoran tərəfi yəni, " Sakit " restoranı satılmayıb. Bundan sonra Cavanşir Yusifov Şəmkirdə fəaliyyət göstərən digər "Yamin” şadlıq sarayını da alıb."Murovdağ" şadlıq sarayının qiyməti 1.350 000 manat,"Yamin" şadlıq sarayının qiyməti isə 2.5 milyon manatdır.

Xeberpost.info bildirir ki, bu barədə Şəmkirdə fəaliyyət göstərən iş adamları məlumat veriblər.

Məlumat üçün deyək ki, "Murovdağ” şadlıq sarayı vergi qeydiyyatına "Adore Busiess” MMC kimi alınıb. Bu MMC-nin rəhbəri isə Yusifov Rüfət Cavanşir oğludur.
Qeyd edək ki, adı çəkilən şadlıq saraylarının qiyməti milyonlarla qiymətləndirilir.
Bu iddialarla bağlı keçmiş aparat rəhbərindən şərh almaq mümkün olmayıb.
Cavanşir Yusifov ötən ilin martında tutduğu vəzifədən azad edilib. O, Gəncə Dövlət Universitetinin (GDU) rektoru Yusif Yusifovun qardaşıdır.




Qeyd etmək lazımdır ki, sözü gedən məsələdə Murovdağ çadlıq sarayının şəriklərindən biri Sahibkar Asəf Əliyev sosial şəbəkədə ona təzyiq göstərildiyini və ona məxsus olan digər restoranın da satılmasına məcbur edildiyi barədə çıxışlar edib.
O bu barədə aidiyyatı qurumlara rəsmi şikayət də edib.

Qarşı tərəfin mövqeyini dərc etməyə hazırıq.