Rejissor qızı Elnaz Əbluc mərhum Əməkdar artist Həsən Əblucun məzarından paylaşım edib.

Axşam.az xəbər verir ki, o, atasının məzar daşının fərqli formada olmasının düzgün başa düşülmədiyini bildirib. E.Əbluc qeyd edib ki, insanlar məzar daşının sınıb aşdığını düşünür:

"Bəziləri elə başa düşür ki, Həsən Əblucun baş daşı sınıb. Cavab verirəm - onun baş daşı İranda hazırlanıb, orada baş daşları bizdəki kimi yüksəlmir. Bu, kinolent kimi yerdə olmalı idi. Bizdə belə adət olmadığı üçün kinolentin altına duracaq kimi daş hazırlayıb, onun üstünə yerləşdirdilər".

Qeyd edək ki, tanınmış aktyor 1994-cü ildə dünyasını dəyişib.