İki övladını itirən Əməkdar artist Rəhman Rəhmanov məzar yeri aldığını deyib.

Xeberpost.info xəbər verir ki, aktyor bu haqda "Gün ortası" proqramında danışıb. O, bildirib ki, iki oğlunun məzarı yanında özü üçün də yer alıb:

"İki oğul itirmişəm. İlham teatrda yanımda işləyirdi. Emili də müğənni kimi hamı tanıyırdı. Dünyasını dəyişdi... Bizim ailədə xəstəlik olub, amma tərbiyəsizlik olmayıb. Hamımız tərbiyəli olmuşuq. Kimsə nə iləsə xəstələndirdi...

Narahat olmayın, sizin yanınıza əbədi gələcəyəm. Özümə oğullarımın yanında məzar yeri götürmüşəm. Orada dəfn olunacağam".

Qeyd edək ki, R.Rəhmanov oğlu Emil və İlhamı itirib. Aktyor iki dəfə ailəli olub. Onun dörd övladı olub. //Axşam.az