Suraxanı rayonu, Qaraçuxur qəsəbəsi — Üç ildən artıqdır tikintisi davam edən, hələ də bitməyən bina bu qəsəbənin sakinlərini çarəsiz vəziyyətə salıb. Ə.Mehbalıyev küçəsində "Darvaz MMC" tərəfindən inşa edilən hündürmərtəbəli obyekt, başlanğıcdan gözləntiləri doğrultmayıb. Halbuki belə layihələr vaxtında və təhlükəsiz şəkildə başa çatdırılmalı, ətraf sakinlərin həyatına təhlükə yaratmamalıdır. İnşaat prosesi ilə bağlı ən ciddi narahatlıq qoparaq düşən kərpiclərdir. Ötən il binanın fasadından tökülərək yaxınlıqda yaşayan evlərin üzərinə düşən kərpiclər iki dəfə qeydə alınıb. Bu hadisələr nəticəsində ətrafda yaşayan sakinlərin həyatı risk altına düşüb — nəinki mülkiyyət, hətta can təhlükəsi var. Onlara 8 ay müddətinə kirayə pulu verildi. Lakin sonradan bu ödənişlər birdən-birə kəsildi — çoxsaylı ailələr yenidən çarəsiz vəziyyətdə qaldı.Layihənin sonrakı mərhələsində, sakinlərin üzərinə təzyiq daha da artıb. Bildirilir ki, yaxınlıqdakı evlər ucuz qiymətə alınıb və sakinlər yenidən bu ərazidən köçürülür — bu dəfə yenə də hündürmərtəbəli bina tikintisi üçün.Daxil olmuş məlumatlara görə fəhlələrin əksəriyyəti ilə əmək müqaviləsi bağlanmayıb.tikintidə əmək müqaviləsi və təhlükəsizlik normaları pozulursa bu artıq sadəcə etik problem deyil — birbaşa hüquq pozuntusudur.
Bu hal yalnız yaşayış hüququ və ədalət məsələsi deyil, eyni zamanda sosial ədalət və hüquqi normaların pozulması ilə bağlı suallar doğurur.
Necə oldu ki, müəllimlikdənbiznesmenə çevrildilər.
Təhsil adamları tikinti biznesində — qanunla necə tənzimlənir,Rektor olmaq arzusu



Xeberposta daxil olmuş məlumata görə layihə ilə bağlı adları hallanan şəxslər arasında Bakı Dövlət Universitetindən professor Faiq Namazov , dosent Süleyman Səmədov və əsas işi aparan sahibkar Təbriz adlı müəllimlərin adları keçir. Bu sual ortaya çıxır: Müəllim və təhsil müəssisələrinin əməkdaşları qanunla tikinti biznesi ilə məşğul ola bilərmi?
Azərbaycan Respublikasının qanunvericiliyi dövlət qulluqçusunun biznes fəaliyyəti ilə məşğul olmasına məhdudiyyətlər qoyur. Bu baxımdan adı çəkilən şəxslərin bu sahədə fəaliyyəti qanunla necə tənzimlənir və nə qədər şəffafdır?
Müvafiq qanunvericiliyə görə vəzifəli şəxs öz xidməti mövqeyindən şəxsi maraqları üçün istifadə edə bilməz.Hətta məsələnin daha maraqlı tərəfi də var, adı hallanan şəxslərdən birinin yaxın gələcəkdə rektor olmaq kimi karyera planları olduğu iddia edilir.
Onuda qeyd edək ki, əvvəlki deputat seçkilərində Faiq Namazov millət vəkili olmaq arzusunda idi və namizədliyini irəli sürmüşdü.Süleyman Səmədov isə onun köməkçisi və yanında olan adam idi.

Bu məsələnin qanuni çərçivədə nəzarət altında olub-olmadığını, sakinlərin hüquqlarının qorunub-qorunmadığını və təhsil sahəsindən olan şəxslərin kommersiya fəaliyyətinə çıxış mexanizmlərini bilmək maraqlı olardı.
Qarşı tərəfin cavab haqqını tanıyırıq.