Meyxanaçı Balaəlinin mahnı oğurluğunda ittiham edilməsi ilə bağlı yayılan məlumata aydınlıq gətirilib.

İfaçının köməkçisi İlqar Rzayev Qaynarinfo-ya açıqlamasında "Xəyanət”in Baləliyə məxsus olduğunu vurğulayıb.

"Baləli toyların birində musiqili meyxana deyərkən bu qafiyəni açıb. Daha sonra isə bir az də təkmiləşdirərək mahnıya çevirib. Yəni, mahnı da, sözləri də Baləliyə məxsusdur”, deyə İlqar Rzayev bildirib.

İnternet resurslarında apardığımız araşdırma zamanı məlum olub ki, Baləli ilk dəfə "Xəyanət”i musiqili meyxana formasında dediyi toyda meyxanaçılar Pünhan, Mircəlal, Baba, Xosrov və digərləri də olub. Onlardan bəziləri də Baləli ilə birgə onun açdığı "Mən haçan eşqə xəyanət eləmişəm” qafiyəsi ilə meyxana deyiblər.

Qeyd edək ki, müğənni Xəyyam meyxana ifaçısı Baləlini mahnı oğurluğunda ittiham edib. O, sosial şəbəkə hesabında "Xəyanət”in müəllifinin məhz özü olduğunu iddia edib. Müğənni Balaəlinin bu əsəri öz adına çıxarmasını doğru hesab etmədiyini bildirib:

"İllərlə bu mahnının üzərində işləmişəm, əziyyət çəkmişəm. Bir də görürəm ki, siz oxuyursunuz və trendə çevrilir. Belə iş olar? Şəbnəm Tovuzlu və digər müğənnilər də bu mahnını icazəsiz ifa edirlər. Bunun axırı necə olacaq? Mən bunun peçatını vurmuşam. Mahnı mənimdir. Yenə də halal xoşunuz olsun”.
VIDEO linkdə :
https://bax.tv/son-xeberler/balaeli-ogurluqda-ittiham-edilir-223482?utm_source=playerBaxTV&utm_medium=context_menu&utm_campaign=organic