Bakı şəhəri, Binəqədi rayonu, Dərnəgül yaşayış massivi 108 ünvanında yerləşən “Clear” Hotel barədə müxtəlif iddialar gündəmə gəlib.
Bu hotelin daxilində jayüz qapılar, içəridə lyuks otaq və iki cinsin "dincəlməsi" üçün gözəl şərait var. Bunlar elə bilir ki,oranı heç kim görmür.Lakin qarçıdakı hündürmərtəbəli binadan hər şey ovucunun içi kimi görünür.
Xeberpost “helat.az”a istinadən xəbər verir ki, obyektin fəaliyyətində bir sıra qanun pozuntularına yol verildiyi iddia olunur. Qeyd edilən məsələlərin hüquqi qiymətləndirilməsi isə yalnız aidiyyəti dövlət qurumlarının araşdırmasından sonra mümkün hesab edilir.
İddialardan biri oteldə xidmətlərin 4, 6 və 12 saatlıq intervallarla təqdim olunması ilə bağlıdır. Hüquqşünasların sözlərinə görə, Azərbaycan Respublikasının “Turizm haqqında” Qanununa əsasən yerləşdirmə xidmətləri əsasən müştərilərin müvəqqəti yaşayışının təşkili məqsədi daşımalıdır və otel xidməti ənənəvi olaraq 24 saatlıq xidmət formatı üzərində qurulur. İddia olunur ki, qısamüddətli – xüsusilə 4 və 6 saatlıq xidmətlərin təşkili obyektin cütlüklərin qısamüddətli görüşlərinin təşkili məqsədilə istifadə olunması ehtimalını gündəmə gətirir. Hüquqşünaslar bildirirlər ki, əgər obyektin fəaliyyəti yerləşdirmə xidmətindən kənara çıxaraq qeyri-rəsmi və ya qanunvericiliyin tələblərinə uyğun olmayan formada təşkil edilirsə, bu halda aidiyyəti dövlət qurumları tərəfindən araşdırma aparılmalı və hüquqi qiymət verilməlidir. Bununla yanaşı, belə halların təsdiqlənməsi yalnız rəsmi yoxlamalar və sübutlar əsasında mümkün hesab olunur.
Digər məlumatda hotelin gündəlik gəliri 5-7 min AZN təşkil etdiyi bildirilir. Bu da ay ərzində 150-200 min manat edir. Ödədikləri vergi isə qəpik quruşdur.
Məqalədə həmçinin bəzi işçilərin əmək müqaviləsi olmadan çalışdırıldığı iddia edilir. Azərbaycan Respublikası Əmək Məcəlləsinin 7-ci və 49-cu maddələrinə əsasən əmək münasibətləri yalnız əmək müqaviləsi qüvvəyə mindikdən sonra yarana bilər. İnzibati Xətalar Məcəlləsinin 192.1-ci maddəsinə görə, əmək müqaviləsi olmadan işçi cəlb edən vəzifəli və hüquqi şəxslər cərimə edilə bilər. Belə hallarda işçilərin sosial sığorta hüquqları və əmək təminatları da pozulmuş hesab olunur.
Vergidən yayınma ilə bağlı yayılan iddialar da diqqət çəkir. Azərbaycan Respublikası Vergi Məcəlləsinin 16-cı maddəsinə əsasən vergi ödəyicisi gəlir və xərcləri düzgün uçota almağa borcludur. Əgər gəlirlərin gizlədilməsi və ya kassa uçotundan yayınma faktı təsdiqlənərsə, bu zaman İnzibati Xətalar Məcəlləsi və bəzi hallarda Cinayət Məcəlləsinin 213-cü maddəsi ilə məsuliyyət yarana bilər.
Yanğın təhlükəsizliyi ilə bağlı səslənən narahatlıqlar isə “Yanğın təhlükəsizliyi haqqında” Qanun və İnzibati Xətalar Məcəlləsinin müvafiq maddələri ilə tənzimlənir. FHN tərəfindən aparılan yoxlamalar zamanı yanğın çıxışlarının, siqnalizasiya sistemlərinin və təhlükəsizlik avadanlıqlarının normativ tələblərə cavab vermədiyi müəyyən olunarsa, obyekt cərimələnə və hətta fəaliyyəti məhdudlaşdırıla bilər.
Məsələ ilə bağlı FHN, Dövlət Əmək Müfəttişliyi Xidməti, Dövlət Vergi Xidməti, AQTA və digər aidiyyəti qurumların araşdırma apararaq iddialara hüquqi qiymət verməsi gözlənilir. Qarşı tərəfin mövqeyini dərc etməyə hazır olduğumuzu bildiririk.
Sizcə, qısamüddətli xidmət adı altında fəaliyyət göstərən obyektlərə nəzarət daha sərt aparılmalıdırmı?
Qarşı tərəfin mövqeyini dərc etməyə hazırıq.