Qışdan bahara keçiddə insanlarda yorğunluq və halsızlığa tez-tez rast gəlinir ki, bu da gündəlik iş həyatımıza və iş həvəsimizə mənfi təsir göstərir.

Mütəxəssislərin fikrincə, bunun əsas səbəbləri qışda günəşin az olması, soyuq havaya görə qapalı yerlərdə qalmaq, hərəkətsizlik və qidalanmanın zəifləməsidir.

Xüsusilə D vitamini çatışmazlığı və dəmir çatışmazlığı bu dövrdə daha çox görünür. Mütəxəssislərin fikrincə, enerjini artırmaq üçün bir neçə sadə qaydaya əməl etmək kifayətdir. Dünya Səhiyyə Təşkilatının gəldiyi nəticələrə əsasən, günəş işığı D vitamini üçün əsas mənbədir. Xəstəliklərə nəzarət və profilaktika mərkəzlərinin hesabatlarına əsasən isə düzgün qidalanma, yaxşı yuxu və su içmək bu mərhələdə çox vacibdir.

Buna uyğun olaraq, bir həftəlik sadə qidalanma planı belə ola bilər:

1-ci gün

Səhər: Yulaf, bal, qoz, alma

Nahar: Toyuq, bulqur, salat

Axşam: Qatıq, fındıq

2-ci gün

Səhər: Yumurta, pendir, göyərti

Nahar: Toyuq filesi, kartof, salat

Axşam: Kefir, alma

3-cü gün

Səhər: Süd + yulaf + banan

Nahar: Mal əti, düyü, tərəvəz

Axşam: Qatıq, qoz

4-cü gün

Səhər: Omlet, ispanaq

Nahar: Mərcimək şorbası, çörək

Axşam: Alma, badam

5-ci gün

Səhər: Kəsmik, bal, quru ərik

Nahar: Toyuq salatı (zeytun yağı ilə)

Axşam: Kefir, fındıq

6-ci gün

Səhər: Yulaf, alma, darçın

Nahar: Noxud və ya lobya yeməyi, salat

Axşam: Qatıq, qoz

7-ci gün

Səhər: Yumurta, avokado, çörək

Nahar: Tərəvəz yeməyi (badımcan, kabaçki, bibər) + qatıq

Axşam: Kefir, alma.

Bu qidalar bədənə lazım olan vitamin və enerjini verir. Lazım olduqda Vitamin D və Vitamin B12 də qəbul edilə bilər.

Mövsümi yorğunluq hissi düzgün qidalanma, aktiv həyat tərzi və vitamin balansının qorunması ilə əhəmiyyətli dərəcədə azala bilər. Şikayətlər uzun müddət davam edərsə, tibbi müayinə tövsiyə olunur.//yenisabah