Məlumat üçün qeyd edək ki,son zamanlar Məmmədli kəndində aramsız yağan yağışlar nəticəsində yüzlərlə ev suyun altında qaldı. Kəndin müxtəlif yerlərində suyun çəkilməsi prosesi aparılsa da nəmişlikdən şikayət edənlər çoxdur.
Çoxlarınız bilir ki,Məmmədli kəndinin əsas torpaqları kənd təssərrüfat təyinatlıdır.Burada ev tikmək olmaz. Lakin işbazlar burada hektarlarla torpağı alıb fərdi evlər tikib satır. Ətrafda xeyli bataqlıq sahə mövcuddur və deyilənə görə bu sahələri də alıblar.
Bəs kimdir bu torpaqları alan,bataqlığı qurudan ?
Xeberpost bildirir ki,araşdırma nəticəsində məlum olub ki, əslən İmişlidən olan Səyyad adlı şəxs ( Rövşən ləqəbli ) bu ərazidə torpaqları alır,Kamazlarla torpaq töküb gölləri qurudur və fərdi evlər tikib satır.
Sual yaranır ki, sadə bir "makler" milyonlarla pulu haradan alır ?
Araşdırmaya görə onu da bildirdilər ki, Rövşəni gözə görünməyən vəzifəli məmur himayə edir və dövriyyədə milyonlarla pul fırladır. Misal üçün qeyd edək ki, "Pasyolka" adlanan ərazidə 20 fərdi ev tikib, birini 75-80 min AZN -ə satırsa, bu 1.5 milyon manat heç yerdə qeyd olunmur. Vergi,sosial və s. soruşulmur.
Nəticə etibarı ilə sakinlər narazı qalır.Həm suyun içində yaşayır, həm də keyfiyyətsiz evlərdə.
Aidiyyatı qurumların məsələ ilə bağlı tədbir görməsi vaxtıdır. Problemin həlli yolları tapılmalıdır. İnsan faktoru hər şeydən vacibdir.
Qarşı tərəfinmövqeyini dərc etməyə hazırıq.