"Gündəlik 7-8 min addım gəzmək infarkt riskini azaldan minimal fiziki aktivlik hesab olunur".

Xeberpost.info xəbər verir ki, bunu News.ru-ya rusiyalı reanimatoloq-psixoloq Mariya Kriveqa bildirib.

Onun sözlərinə görə, bu göstərici elmi əsaslara malikdir:

"Bu rəqəm, gündə 10 min addım yeriməyin vacibliyi ilə bağlı məşhur mifdən fərqli olaraq, elmi cəhətdən sübut edilib.

Tibb baxımından sübuta əsaslanan faydalı fiziki aktivlik növləri qüvvədə qalır: gəzinti, üzgüçülük, velosiped sürmə və ya velotrenajordan istifadə. Bunlar ürək sağlamlığını müəyyən edən əsas mexanizmlərə təsir göstərir: arterial təzyiq, qanın lipid tərkibi və insulinə həssaslıq.

Bunu həm böyük beynəlxalq araşdırmalar, həm də yerli məlumatlar təsdiqləyir. Aşağı fiziki aktivlik infarkt və ürək-damar xəstəliklərindən ölümün müstəqil risk amili kimi qiymətləndirilir".

Mütəxəssis qeyd edib ki, interval məşqlər, yarış xarakterli fiziki yüklənmələr hipertoniya və ürək xəstəlikləri olan insanlar üçün təhlükəli ola bilər.

Onun sözlərinə görə, belə hallarda tədricən intensivliyi artırılan orta səviyyəli aerobik məşqlərə üstünlük verilməlidir.//oxu.az