TƏBİB-də islahatlar başladı,Anar İsrafilov Səfər Mehdiyevin bacanağını işdən qovdu!
Cənab Prezidentin tapşırığına əsasən digər qurumlarda olduğu kimi korrupsiyaya bulaşmış TƏBİB-də islahatlar yolu ilə təmizlənmə prosesinə başlanılıb.
TƏBİB-in icraçı direktoru vəzifəsini icra edən Anar İsrafilov korrupsiyaya bulaşmış,bacanağı General Polkovnik Səfər Mehdiyevə arxalanaraq heç kimi saya salmayan,açıq-aşkar pul yığmaqla məşğul olan,xəstələrin dərman təchizatını satmaqla məşğul olan,2023-cü ilin oktyabr ayından Sabirabad rayon Mərkəzi Xəstəxanası PHŞ-in direktoru vəzifəsini tutan Həsən Hüseynovu işdən qovdu.
Həsən Hüseynov bacanağına arxalanaraq hansı Xəstəxana rəhbərliyində işləyibsə o təşkilatı korrupsiya yuvasına çevirdiyi,insanları dövlətin xəstəxanasından narazı saldığı hər kəsə məlumdur.
Bu vəzifəsindən öncə Bərdə Diaqnostika Mərkəzindən və Ağcəbədi rayon Mərkəzi Xəstəxanasından da eyni əməllərinə görə etirazla qarşılanaraq kütləvi narazılıqla qovulmuşdu.
Amma yəqin ki,bacanağı Səfər Mehdiyevin təkidi ilə vəzifəsiz qalmamışdı.Bu gün görsənən odur ki,bacanağı belə Həsən Hüseynovu qoruya bilmədi.
Amma ən pisi isə başqa məsələdir.
TƏBİB-in sabiq sədri Vüqar Qurbanova öz deməsinə görə 60000.00 manat verib baş həkim olmuş Elnur Əzizovun direktor postuna gətirilmək istəməsidir.
Həkimlikdən deyil,həmkarların pulunu sakitcə yeməklə məşğul olan və saxta əlillik düzəldərək varlanan ,ixtisasca həkim onkoloq olmağına baxmayaraq həkimlikdən başqa bütün işlərlə məşğul olan,Həsən Hüseynovun kassiri kimi tanınan Elnur Əzizov öz deməsinə görə direktor olmaq üçün verdiyi rüşvəti hələ Vüqar Qurbanovun vaxtından ona çatdırıb.
Amma hesab edirik ki,TƏBİB rəhbəri əvvəlki rəhbərin yolu ilə deyil,doğru yol ilə gedərək direktor vəzifəsinə baş həkim olduğu müddətdə öz yaxın qohumlarını xəstəxanada vəzifəyə qoyan,korrupsiyaya bulaşmış Elnur Əzizovu deyil,Sabirabad əhalisininin sağlamlığının qeydinə qalacaq korrupsiyaya yox deyəcək bir etibarlı şəxsi təyin edər.
Həsən Hüseynov və Elnur Əzizov barədə araşdırmalarımız davam edir,ardı var…

//Sima Babayeva