Maşın almaq üçün 30 min manatdan çox ödəniş edən vətəndaş iki aydır avtomobili təhvil ala və ya ödənişini geri qaytara bilmədiyini deyir.
Xeberpost.info Xəzər TV-yə istinadən xəbər verir ki, bu iddia ilə müraciət edən Səid Əliyevin sözlərinə görə, oktyabr ayında o, “Autonova” adlı avtomobil satışı şirkətinə Çindən maşın sifariş etmək üçün ödəniş edib. Gecikmə olsa da, ona şirkət tərəfindən verilən GPS izləmə linki göndərilib. Müştəri avtomobilin gəlişini izlədiyi üçün 2 ay gözləyib.
Şikayətçi deyir ki, ona deyilən vaxt, yəni dekabrın 25-i çatanda məlum olub ki, əslində, GPS-də göstərilən izləmə yalandır, maşın heç yolda deyil.
Sözügedən şirkət sorğu ünvanlanan sorğulara cavab verməyib.
Şikayətçi onu da qeyd edib ki, məsələ ilə bağlı hüquq-mühafizə orqanlarına müraciət edəcək.