Məhkəmə müğənni Afət Fərmanqız barəsində yeni qərar qəbul edib.


Xeberpost bildirir ki,oxu24.com saytının əldə etdiyi məlumata görə,bloger Sevinc Hüseynovanın müğənni Afət Fərmanqızına qarşı etdiyi şikayəti məhkəmə qismən təmin edib.


Füzuli Rayon Məhkəməsinin hakimi Elmir İsmayılovun sədrliyi ilə keçirilən məhkəmə prosesində qərar qəbul edilib.


Qərara əsasən,ərizəçi Hüseynova Sevinc Bağman qız barəsində iş üzrə yekun məhkəmə aktı qanuni qüvvəyə minənədək həqiqətə uyğun olmayan,böhtan xarakterli,şərəf və ləyaqəti ləkələyən,işgüzar nüfuzuna xələl gətirən məlumatların kütləvi informasiya vasitələrində,sosial şəbəkələrdə ,digər informasiya vasitələrində,şəxsi hesablarında və digər hesablarda yayılması cavabdeh Həsənova Afət Fərman qızına qadağan edilsin.


Qeyd edək ki,bundan öncə müğənni Afət Fərmanqızının da xeyrinə məhkəmə oxşar məzmunda qərar qəbul etmişdi.