Türkiyəli tanınmış iş adamı Aydın Erdem və aktrisa Dolunay Soysertin qeyri-rəsmi münasibət yaşadığı iddia olunub.
Xeberpost.info xəbər verir ki, Beyhan T. adlı qadın həyat yoldaşı Aydın Erdemə qarşı İstanbul 4‑cü Ailə Məhkəməsinə ərizə ilə müraciət edib. Ərizədə qeyd olunub ki, Erdem evlilik dövründə xanımını aldadıb. Onun xanımına aktrisa Dolunay ilə xəyanət etdiyi deyilib.

Ərizədə əks olunub ki, Aydın ilə Dolunay Arnavutköydə eyni evdə birlikdə yaşayır, bir çox xarici və ölkə daxili tətillərə birgə gediblər. Həmçinin şikayətdə bildirilib ki, Aydın ailənin maddi vəsaitini aktrisa ilə birgə xərcləyib.

Beyhan T. Aydın Erdemdən 50 milyon lirə (təxminən 1 milyon 450 min) maddi və mənəvi təzminat, övladlarının qəyyumluğunu və Beşiktaşdakı evin onlara verilmesini istəyib.

Qeyd edək ki, Dolunay son olaraq "Yabani" serialında çəkilib. //axsam.az