Bir neçə gün öncə tanınmış həkim, plastik cərrah Vüqar Ələbərov haqqında mətbuatda müxtəlif iddialar səsləndi.
Xeberpost bildirir ki, həkimin səhvləri əvvəllər də olub. Lakin müxtəlif yollarsa pasienti razılığa gətiriblər.Zərər ödənilməklə və ya başqa həkimə yönəltməklə məsələ öz həllini tapıb.
Bu dəfə isə, məlumatda ötən ilin aprel ayında Vüqar Ələkbərov etdiyi əməliyyatdan xanım müğənni şikayətçidir.
Belə ki, Bakı şəhərində fəaliyyət göstərən Universal Hospitalda tanınmış xanım müğənnilərdən biri üzərində sinə kiçiltmə əməliyyatı aparılıb.Əməliyyatı isə Vüqar Ələkbərov aparıb.

Xeberpost bildirir ki, "azerbaycanreallığı"nın məlumatına görə, əməliyyatdan sonra pasiyentin vəziyyəti gözlənilən kimi olmayıb. Belə ki, qadının sinə nahiyəsində nekrozlaşma, yəni toxumaların çürüməsi müşahidə olunub, qısa müddət ərzində sinənin forması dəyişib və estetik baxımdan ciddi deformasiya yaranıb.

İddialara əsasən, yaranmış problemin aradan qaldırılması üçün müğənni dəfələrlə həkimə müraciət edib. Vüqar Ələkbərovun sinəni bərpa edəcəyinə dair vəd verdiyi, lakin bu vədin yerinə yetirilmədiyi bildirilir.

Tərəflər arasında münaqişə yaranıb və nəticədə zərərçəkən şəxs məsələ ilə bağlı Baş Prokurorluğa rəsmi şikayət ünvanlayıb. Hazırda faktla bağlı hüquqi araşdırma aparılır və iddialar müvafiq qurumlar tərəfindən yoxlanılır.

İttihamlarla bağlı Vüqar Ələkbərovla əlaqə saxlanılıb. Həkim açıqlamasında barəsində deyilənlərin şər və böhtan olduğunu, yayılan çürüyən bədən görüntülərinin müğənniyə aid olmadığını və internet resurslarından götürüldüyünü bildirib.

Araşdırma zamanı zərərçəkən şəxsin kimliyi dəqiqləşdirilib. Əldə etdiyimiz məlumata görə, sözügedən şəxs 58 yaşlı Əməkdar artist Gülüstan Əliyevadır. O, açıqlamasında Vüqar Ələkbərovun daha əvvəl də digər şəxslər, eləcə də tanınmış simalar üzərində uğursuz əməliyyatlar apardığını iddia edib.

Əməkdar artist istintaq getdiyi üçün hələlik məsələ ilə bağlı geniş açıqlama vermək istəmədiyini bildirib.
Məsələ ilə bağlı həkim Vüqar Ələkbərovun fikirlərini dərc etməyə hazırıq.