Bildiyiniz kimi Pandemiya dövründə ,yəni 2021- ci ildə Baş prokuror yanında Korrupsiyaya qarşı Mübarizə Baş İdarəsinə daxil olmuş məlumat əsasında həyata keçirilmiş əməliyyat-istintaq tədbirləri ilə Fövqəladə Hallar Nazirliyinin Tibb Mərkəzinin Modul Tipli Hospitalının baş həkimi Ağayev İmran Əli Ağa oğlunun qeyri-rəsmi olaraq köməkçiləri olan həmin müəssisənin qeydiyyatçıları Orucov Qulu İlqar oğlu və İmanlı Taleh Mövlamerdi oğlu ilə qabaqcadan əlbir olub koronavirus xəstələrinin rəhbəri olduğu tibb müəssisəsində yerləşdirilməsi, eləcə də, müalicə alan xəstələrin daha yüksək səviyyəli tibbi və sair təminatla təchiz edilmələri müqabilində müxtəlif məbləğlərdə pul vəsaitinin rüşvət qismində yığılaraq sonradan öz aralarında bölünməsinə dair əvvəlcədən qarşılıqlı şəkildə ümumi razılıq əldə etməsinə, həmin razılaşmaya uyğun olaraq xəstələrin həmin hospitala salınması, hospitalın "VİP korpus”u hesab edilən 15-ci korpusunda qəbul edilməklə yerləşdirilməsi və digər bu kimi üstünlüklər əldə etmələrinə görə hər xəstədən sonuncular vasitəsilə müxtəlif məbləğlərdə pul vəsaitini rüşvət qismində alıb aralarında bölməsinə əsaslı şübhələr müəyyən edilmişdir.
Məhkəmənin hökmü ilə İmran Ağayev 8 il 3 ay azadlıqdan məhrum edilib.
Həmçinin, İmran Ağayevin 3 il dövlət orqanlarında vəzifə tutması qadağan edilir, Rüfət Vəlizadə 3 il dövlət orqanlarında vəzifə tutmaq qadağan edilməklə 8 il 1 ay həbs cəzasına məhkum edilib.
Necə oldu ki, İmran Ağayev 8 il 1 ay cəza aldığı təqdirdə 2023- cü ildə azadlığa çıxdı və 3 il baş həkim işləməsi qadağan ola-ola yenidən baş hıkim təyin edildi ?

Xeberpost.info bildirir ki, Imran Ağayev hazırda Tibb Unuversitetinin Tədris Stomatoloji Klinikasının direktoru vəzifəsində çalışır.
Onu da qeyd edək ki, Cinayət törətmiş şəxsin yenidən baş həkim olması məhkəmənin hökmündən asılıdır. Əgər məhkəmə müəyyən müddətə və ya ömürlük tibbi/rəhbər fəaliyyətlə məşğul olmağı qadağan edibsə, cəza müddətində bu mümkün deyil. Lakin məhkumluq ödənildikdən və ya götürüldükdən sonra qanunvericiliklə digər qadağalar yoxdursa, yenidən rəhbər vəzifə tuta bilər.
Ətraflı məqamlar:
Cinayət Məcəlləsinə əsasən, məhkəmə şəxsi müəyyən vəzifə tutmaq hüququndan məhrum edə bilər. Bu qadağa dövründə baş həkim işləmək qeyri-mümkündür.
Məhkumluğun Ödənilməsi: Cəza çəkildikdən sonra məhkumluq ödənilir və ya götürülürsə, şəxsin hüquqi statusu bərpa olunur.
İşəgötürənin Seçimi: Məhkumluğu olmayan, lakin əvvəl cinayət etmiş şəxsi işə götürmək müəssisə rəhbərliyinin və ya müvafiq qurumun (Səhiyyə Nazirliyi və s.) mülahizəsinə bağlıdır.
Xüsusi Qadağalar: Əgər törədilən cinayət birbaşa tibbi fəaliyyətlə bağlıdırsa və ömürlük qadağa qoyulubsa, bu şəxs bir daha baş həkim ola bilməz.
Qeyd: Hər bir hal fərdi qaydada hüquqi dəyərləndirilməlidir.
Azərbaycan Respublikasının Cinayət-Prosessual Məcəlləsi[1]
Qarşı tərəfin mövqeyini dərc etməyə hazırıq.